Menu

Paul Lismore

[Paul Lismore] Morisiens zalou Lachanya ! Zot mo ve !


Rédigé par Paul Lismore le Mardi 15 Mars 2022



Mo pa ti ekrir hier
Parski mo ti mari bouleversee
Ki dimoune p sikane ene Patriote,
Ene dimoune extra sincere
Ki PA ene opportuniste ditou!

Eoula! Ou koir facile sa,
Vive avek zis environ Rs 350,000 par mois?
Ou koir facile sa, al rode linz pou
Fer moi paret bien sexy
Avek ene la guele ki paret kontan manze?
Si mo cv paret kouma dire mo fek leve
Ou mo in pass dan cyclone,
Sa bizin fer zot rapel
Kouma mo travay dire pou lepep!

Mo in vine experte dan koup riban aster.
Ninporte ki zafer, si zot met riban otour li,
Mo pou koup li kom ene gran patriote!
Lot zour la, lor ene site constriktion,
Zot ti met ene riban otour la porte 
Ene toilette portab.
Ala zot fer figir fesse ar moi kan mo in koup riban la!
Et ban la krier: Eoula! Riban la ti p enpesse la porte la ouver!
So ta ke in kasser, parey kouma ta ke
To la guele in kasser, et alor
To pa kapav arete rabasse kk ene la zournee!

Akoz sa, mo nepli gard sizo dan mo kaba aster,
Et mo koup riban zis kan mo chatwa (s) invite moi,
Ki pa souvan...

TD 18: ban zalou, ban anti patriote sikane moi. Kifer?
Kouma mo in dire Lexpress, 
"Ce n’est pas «ma» Mercedes. Je n’ai rien acheté.
 Je n’ai pas acheté de voiture. Je pense être une des rares à ne pas l’avoir fait."

Ena p dire moi ki sa exkiz la parfait
Pou ban voleurs loto...
"Missier gablou, mo pa in assete sa. Mo pa in assete ene ferfoute. 
Mo in truv sa, alor kom ene patriote
Mo in sanz so nimero, 
Et mo p kondire li"
...
Malerezman, mo koner ki gablou pou kalotte voleur loto la....
Mai mo pou koz ar Pravind
Et fer pass la loi
Ki meme kan dimoune pa assete ene ferfoute,
Zot en droit pran seki zot envi pou zot!
Parey kouma nou politiciens, et sirtou ministres et PPS,
Et tou nomines politiks fer. 
Sa ki apel vre demokrasi, non?

Ene sans ki kan mo dire Lexpress
" nous souffrons aussi. Vous savez plus la pauvreté augmente, moins je touche mon salaire."
Axcel pa in dimane moi:
Dire nou ki ou salaire exact par mois?
Kommien allowances ou gagner?
Ki ete sa entertainment allowance la?
Ou paye lessence? Ou paye deklaration?
Kan povrete ogmante, ou salaire reduit par kommien?"

Si li ti dimane moi sa, mo ti pou pisse ar li,
Aller et krier " anti patriote! To zalou! To ene demagoggt!"
Mai kouma zot koner, mo pa kontan kreer ene scene...

Dernier foi, zot ti truv moi tire mo souliers
Et marse pied nu dan dilo lor simin.
Prochain inondation, mo pou met ene ti bikini
Et kouma simin vine swimming pool
Mo pou tal moi o milieu
Et fer dimoune konpran ki mo fer tou
Pou gagne ninporte ki latansion mo kapav...
Parski mo ene patriote! Mo ene democrate!
Mo ene socialiste!

Kom ene vrai socialiste, mo kontan ki
Gouvernman donne moi tou seki mo reve...
Oui, gouvernman donne politiciens et zot dimounes
Tou seki zot envi!
Mai kouma dimoune mizer dimane kiksoz, nou dire
" Lekonomi dan bez! Guet ki Putin p fer aster! Paissa naiba!"

Putin pa zis dan la Russie!
Ena boukou dan zardin konpagni oussi!
Et pa blier ban putins respektab ki dan parlman
Ou ki apendan en ba graines nou politiciens zom...
Et ban ki sitan fort lor souce politiciens
Ki zot kontan kan apel zot "chatwas"...

Lachanya, li dire ki li jeune, li ene socialiste,
Li ene demokrate. 
Mo tonton ki ena 85 ans dire moi
Ki li oussi "jeune, li kontan guet zoli fam,
Mai meme zafer la nepli diboute,
li kontan amene role ki li pli raide
Ki ene di boi goyave de chine.."

Li dire moi sa ki apel amene role...
Parey kouma Lachanya..

Mardi 15 Mars 2022

Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.