[Paul Lismore] Mo apel Harvesh

Mo apel Harvesh
Malgre ki Roshi Badhain dire ki mo ene fesse.
Oui, mo ti conplice morpa dan ene zafer conflit dinteret,
Mai zis bolom ki ti al balier la cour station pou 90 hrs dan l'ete.
Dimoune kapav dire ki akoz sa, mo pa fit and proper,
Mai mo touzour lav mo graines dan ler.

En Juillet 2017, Missier Pravind fer moi vine CEO FSC
Mari job sa! Mo in bien voyazer
Et lepep kouyon in depense preske Rs 5 millions pou mo trainer.
Kan mo pense tou sa per diem la, mo mari raide
Et mo mariaz bien fort akoz lepep so l'aide.

Kan mo ti chef FSC, dimounes ti p koz trou noir
Mo ti penser ki zot bien malelve et zot p koz zoli trou dan asoir
Aster Lerop p dire ki nou dan trou noir, 
Pa mo faute sa. Ene bon Blue Label duty free zoli nissa pou boir.

Mo ti koir mo tousel kouyon
Mai Padaleksi et ti cretin pli kouyon
Parski zot in fer moi vine gouverneur la bank Moriste
Et malgre ki sa news la fer Lepep triste
Mo fer kouma SAJ et mo pisse lor zot
Parski mo la akoz lepep kouyon so votes.

Mo pena oken lexperians dan travay la bank
Mai aster moi ki mari tou la bank.
Avan sa mo ti dan Board of Investment
Kot mo in fer boukou larzan.
Et kot mo ti ressi deal avek ban saints kouma Sobrinho.
Akoz sa mo marse lao lao
Kouma dire mo trou fesse fer mal tou le tan.

Aster, seki Padaleksi et Pravind dire, sa meme!
Bank de Moriste in vine la bank MSM, 
Alor kan avan ti p kokin par milions
Aster nou koz par milliards, ban kouyons.
Ene ferfoute zot pa pou kapav fer, 
Parski tan ki Pravind la, mo pa pou peur

Si nou in ressi kokin ene election
Na pa rode fer moi koir ki nou pa kapav kokin direk depi la bank national.
Parski nou dan ene etat de droit
Sa ve dire ki nou konner ki la loi 
Pou passer pou nou kapav dire
Nou p suiv la loi, alor lavenir nou pays sire.
Avek ban serviteurs du pays, ban patriotes
Ki travay raat aur din pou zot lavenir.
Seki pa aksepter sa, mo pou fer Nobin so gablous bez kalottes!