[Paul Lismore] Mo Gouvernman azir!

Rappor Commission Zistis et Verite sorti en 2011, mai moi mo pou azir aster en 2020! Oui, mo pou ranz sa musee Esclavaz la, parski sa meme priorite ban descendan esclaves! Pa ene lozman respektab, pa ameliore zot sitiation kot boukou bizin vine squatters et sa zoli Obeedoobeedoo bizin met SMF ar zot pou met zot deor! Non, lor action, mo laisse dimoune zizer!

Dan mo bidze 2017, mo ti fer provisions pou met financeman ki bizin. Guet kouma mo bon! Zordi, pays dan bez (Pa mo faute sa!), mai mo in ressi truv la fin 2020 ene ti Rs 25 millions pou koumans sa mizee la.

Bien sure, li ene gran projet sa! Li enorme! (projet la do! pa mo zouti!). Et nou p bouzer par faz. Etap par etap ( eh ban zombies! pa ene signe pou zot tap la tab sa, do!) zordi nou p franssi ene gran etap! Rs 25 millions, c 1er etap pou  nou koumans sa gran projet la.

Mo bizin dimane Nilen Sipakisamy kot li gagne Rs 400 millions pou donne sa ban hypocrites Anglais dan Liverpool, kan moi mo fer projet par etap...

Oui, mo pou fer ranz sa mizee la! C sa la priorite! Mo pa pou aide ban descendan esclaves ki ban colons et ban notaires voleurs in kokin zot la terre et p enkor kokin! Comission Zistis et Verite ti mentionne sa en gran detay, mai mo pa in gagne letan lire sa chapitre la...

Kouma mo dire, etap par etap nou fer sa mizee la...Ban voleurs la terre descendan Creoles kapav dormi bien.

 La mo res zis pou nomme ene patriote, possib ene Creole soucerre depi la cuisine pou pran sarz sa gran projet la...etap par etap mo pou renpli Board la oussi ar seki Lady Macbeth dire moi nommer.

https://www.youtube.com/watch?v=NaPRqfXJBQ0&feature=emb_logo