Il y a très peu de chances que le rapport de la Court of Investigation visant à faire la lumière sur le naufrage du Wakashio et la marée noire soit publié. En effet, le compte-rendu des délibérations du Conseil des ministres révèle que le Cabinet a pris note des constats et recommandations de cette instance.
Le gouvernement a décidé de mettre sur pied un comité interministériel, présidé par le Premier ministre lui-même, pour examiner le contenu du rapport et voir comment implémenter les recommandations de l'ancien juge Abdurafeek Hamuth et de ses assesseurs, le Marine Engineer Jean Mario Geneviève et le Marine Surveyor Johnny Lam Kai Leung.
L’association des pêcheurs et des plaisanciers du Sud-Est brandit la menace d’une manifestation. Ils déplorent que le rapport de la Court of Investigation sur le naufrage du MV Wakashio n’ait pas été rendu public. De son côté, le mouvement politique de gauche Rezistans ek Alternativ (ReA) appelle également le gouvernement à publier les conclusions de la Cour d'enquête chargée de faire la lumière sur le fondement du MV Wakashio en juillet 2020. La décision du Premier ministre de ne pas rendre ce rapport public est considérée comme une trahison envers les citoyens. Voici leur communiqué :
Nouvo Trayizon gouvernman Pravind Jugnauth
Rezistans ek Alternativ finn pran not a traver Cabinet Decision le 23 Desam 2022 ki rapor Court of Investigation lor Wakashio inn sorti. Nou finn osi pran not ki gouvernman Pravind Jugnauth inn desid pou met enn komite inter-ministeriel pou examinn rekomandasion rapor la. Se atraver la pres ki Rezistans ek Alternativ ek piblik Moris inn aprann ki rapor pa pou rann piblik.
Sa desizion la vinn demontre ankor enn fwa a ki pwin gouvernman Pravind Jugnauth pe anferm limem dan enn totalitarism danzere ek san presedan dan listwar Moris. O lie ki gouvernman MSM atantif a diferan kritik lor zesion katastrof Wakashio ek permet nou pei tir leson neseser, sa gouvernman la desid ankor fwa pou trayir lepep. Sa ak inilateral pou gard sa rapor la dan lame gouvernman demontre non selman karakter despotik sa gouvernman la, me osi Pravind Jugnauth limem an tan ki Premie Minis.
Depi le 25 Ziliye 2020 kan Wakashio inn kraz lor resif Pointe d'Esny ziska zordi gouvernman MSM pa finn fer nanyen ki al dan sans lintere piblik. Popilasion Moris pou rapel ki sa gouvernman la ti ena 12 zour pou pran enn desizion pou anpes marenwar. Lepep Moris pou rapel ki mem kan finn gagn marenwar dan lagon gouvernman inn dir sa “fake news” dan parlman. Lepep Moris pou rapel a ki pwin gouvernman ti depase kan finn ena mare nwar.
Lepep pou rapel ki kan bann premie militan Rezistans ek Alternativ kre loperasion boue sarlon pou sov nou lagon, kouma gouvernman inn fer tou pou dekouraz dimounn vinn donn koudme. Lepep pou rapel kouma Pravind Jugnauth antan ki Premie Minis ki ena responsabilite sekirite Moris ek so popilasion inn refiz prezant exkiz swit a lekosid Wakashio. Se pou otan rezon ki Rezistans ek Alternativ ti akiz gouvernman Pravind Jugnauth de 'neglizans kriminel' a lepok.
Aster desizion kabine Minis pou nway rapor sa Court of Investigation dan enn teknokrasi institisionel sekre se enn trayizon anver tou Moris. Enn trayizon anver popilasion, lanatir ek sirtou anver lepep lakot sid-es ki finn soufer grandman de sa dram la. Sa desizion kabine Minis la pa fer ditou dan lintere piblik ek lepep Moris ena drwa poz li la kestion; ki motiv sa desizion la ? Fodre pa ki lepep Moris bliye ki se an prezans bann ofisie Leta Morisien ki konpani lasirans Wakashio inn fer dimounn renons a zot drwa kont enn ti mizerab konpansasion-reparasion.
Desizion kabine Minis al dan mem sans ek priv Moris de enn parti verite ki revinn li de drwa lor Wakashio. Tou sa abitan lakot sid-es Moris ena drwa a laverite. Sa milie dimounn ki finn donn koudme a traver Moris pou fer boue sarlon pou sov zot lagon ena drwa la verite. Tou zanfan sa pei la ki res Moris ou ayer ena drwa a la verite. Apar verite dan zafer Wakashio, ena osi tou laspe legal a lakel trayizon gouvernman Pravind Jugnauth poz prezidis. Rezistans ek Alternativ inn anrezistre plis ki 4000 dimounn pou enn case domaz kont proprieter Wakashio. Terms of Reference sa Court of Investigation inn kouver sifizaman laspe ki kapav defann lintere Moris dan enn ninport ki lakour: depi lesouaz Wakashio ziska desizion pou koul enn parti bato an pasan par domaz lor lekosistem marin. Azoute a sa, non divilgasion sa rapor la se osi enn trayizon anver sa 4 marin, anplwayer MPA, ki finn perdi lavi dan loperasion otour Wakashio. Sa trayizon gouvernman Pravind Jugnauth antrav la fami ek pros sa bann marin la pou reklam zistis.
Rezistans ek Alternativ pe reklam ki rapor Court of Investigation rann piblik o pli vit dan lintere pei ek lanasion Morisien. Si Pravind Jugnauth anvi met enn komite inter-ministeriel pou etidie rapor la se so drwa me sa pa kapav fer o prezidis de la verite ki so gouvernman dwa lepep lor zafer Wakashio.
Rezistans ek Alternativ osi lans enn lapel a lepep Moris. Parey kouma popilasion ti soutenir loperasion boue sarlon pou sov nou lagon an Out 2020; zordi li inportan ki lepep ralie – otour aksion kominn lor reparasion sosial ek ekolozik viz-a-vi konpanye Zapone Wakshio, ek an paralel ralie otour konstriksion boue demokratik ki ReA pe inisie pou sov nou pei, sanz sistem ek sanz gouvernman.
Le gouvernement a décidé de mettre sur pied un comité interministériel, présidé par le Premier ministre lui-même, pour examiner le contenu du rapport et voir comment implémenter les recommandations de l'ancien juge Abdurafeek Hamuth et de ses assesseurs, le Marine Engineer Jean Mario Geneviève et le Marine Surveyor Johnny Lam Kai Leung.
L’association des pêcheurs et des plaisanciers du Sud-Est brandit la menace d’une manifestation. Ils déplorent que le rapport de la Court of Investigation sur le naufrage du MV Wakashio n’ait pas été rendu public. De son côté, le mouvement politique de gauche Rezistans ek Alternativ (ReA) appelle également le gouvernement à publier les conclusions de la Cour d'enquête chargée de faire la lumière sur le fondement du MV Wakashio en juillet 2020. La décision du Premier ministre de ne pas rendre ce rapport public est considérée comme une trahison envers les citoyens. Voici leur communiqué :
Nouvo Trayizon gouvernman Pravind Jugnauth
Rezistans ek Alternativ finn pran not a traver Cabinet Decision le 23 Desam 2022 ki rapor Court of Investigation lor Wakashio inn sorti. Nou finn osi pran not ki gouvernman Pravind Jugnauth inn desid pou met enn komite inter-ministeriel pou examinn rekomandasion rapor la. Se atraver la pres ki Rezistans ek Alternativ ek piblik Moris inn aprann ki rapor pa pou rann piblik.
Sa desizion la vinn demontre ankor enn fwa a ki pwin gouvernman Pravind Jugnauth pe anferm limem dan enn totalitarism danzere ek san presedan dan listwar Moris. O lie ki gouvernman MSM atantif a diferan kritik lor zesion katastrof Wakashio ek permet nou pei tir leson neseser, sa gouvernman la desid ankor fwa pou trayir lepep. Sa ak inilateral pou gard sa rapor la dan lame gouvernman demontre non selman karakter despotik sa gouvernman la, me osi Pravind Jugnauth limem an tan ki Premie Minis.
Depi le 25 Ziliye 2020 kan Wakashio inn kraz lor resif Pointe d'Esny ziska zordi gouvernman MSM pa finn fer nanyen ki al dan sans lintere piblik. Popilasion Moris pou rapel ki sa gouvernman la ti ena 12 zour pou pran enn desizion pou anpes marenwar. Lepep Moris pou rapel ki mem kan finn gagn marenwar dan lagon gouvernman inn dir sa “fake news” dan parlman. Lepep Moris pou rapel a ki pwin gouvernman ti depase kan finn ena mare nwar.
Lepep pou rapel ki kan bann premie militan Rezistans ek Alternativ kre loperasion boue sarlon pou sov nou lagon, kouma gouvernman inn fer tou pou dekouraz dimounn vinn donn koudme. Lepep pou rapel kouma Pravind Jugnauth antan ki Premie Minis ki ena responsabilite sekirite Moris ek so popilasion inn refiz prezant exkiz swit a lekosid Wakashio. Se pou otan rezon ki Rezistans ek Alternativ ti akiz gouvernman Pravind Jugnauth de 'neglizans kriminel' a lepok.
Aster desizion kabine Minis pou nway rapor sa Court of Investigation dan enn teknokrasi institisionel sekre se enn trayizon anver tou Moris. Enn trayizon anver popilasion, lanatir ek sirtou anver lepep lakot sid-es ki finn soufer grandman de sa dram la. Sa desizion kabine Minis la pa fer ditou dan lintere piblik ek lepep Moris ena drwa poz li la kestion; ki motiv sa desizion la ? Fodre pa ki lepep Moris bliye ki se an prezans bann ofisie Leta Morisien ki konpani lasirans Wakashio inn fer dimounn renons a zot drwa kont enn ti mizerab konpansasion-reparasion.
Desizion kabine Minis al dan mem sans ek priv Moris de enn parti verite ki revinn li de drwa lor Wakashio. Tou sa abitan lakot sid-es Moris ena drwa a laverite. Sa milie dimounn ki finn donn koudme a traver Moris pou fer boue sarlon pou sov zot lagon ena drwa la verite. Tou zanfan sa pei la ki res Moris ou ayer ena drwa a la verite. Apar verite dan zafer Wakashio, ena osi tou laspe legal a lakel trayizon gouvernman Pravind Jugnauth poz prezidis. Rezistans ek Alternativ inn anrezistre plis ki 4000 dimounn pou enn case domaz kont proprieter Wakashio. Terms of Reference sa Court of Investigation inn kouver sifizaman laspe ki kapav defann lintere Moris dan enn ninport ki lakour: depi lesouaz Wakashio ziska desizion pou koul enn parti bato an pasan par domaz lor lekosistem marin. Azoute a sa, non divilgasion sa rapor la se osi enn trayizon anver sa 4 marin, anplwayer MPA, ki finn perdi lavi dan loperasion otour Wakashio. Sa trayizon gouvernman Pravind Jugnauth antrav la fami ek pros sa bann marin la pou reklam zistis.
Rezistans ek Alternativ pe reklam ki rapor Court of Investigation rann piblik o pli vit dan lintere pei ek lanasion Morisien. Si Pravind Jugnauth anvi met enn komite inter-ministeriel pou etidie rapor la se so drwa me sa pa kapav fer o prezidis de la verite ki so gouvernman dwa lepep lor zafer Wakashio.
Rezistans ek Alternativ osi lans enn lapel a lepep Moris. Parey kouma popilasion ti soutenir loperasion boue sarlon pou sov nou lagon an Out 2020; zordi li inportan ki lepep ralie – otour aksion kominn lor reparasion sosial ek ekolozik viz-a-vi konpanye Zapone Wakshio, ek an paralel ralie otour konstriksion boue demokratik ki ReA pe inisie pou sov nou pei, sanz sistem ek sanz gouvernman.
