Culture

[Bebet Lanwit] « Alé war Roland! » ou rakont nou Garros.

Vendredi 12 Octobre 2018

Dan enn konversasion otour sa personaz lezander ki apel Roland Garros, ki Jean-Louis Castanier, prezidan lasosiasion A-3-A nek larg sa lexpresion-la ! Fer touzour plezir aprann bann nouvo lexpresion, sirtou kan zot ena enn lien ek listwar enn pei. Les mo partaz sa ek zot…


[Bebet Lanwit] « Alé war Roland! » ou rakont nou Garros.
Dabor, ki sann-la Roland Garros ? Se enn gran aviater ki finn ne Larenion ek sa lane-la pe fet 100 an so disparision. Nou bizin rapel ki se limem ki an premie travers lamer Mediterane an avion ek ousi invanter bann tir atraver elis pandan premie lager mondial !

Natirelman, Larenion bien fier ki enn personalite koumsa ena so lonbri antere kot li e ena mem enn stati Roland Garros ki pe get an direksion lamer dan St-Denis. Se apartir sa stati-la ki lexpresion « Alé war Roland ! » sorti… Get bien sa foto-la. Roland Garros ena enn lame dan pos…pena tire sa ! Donk, kan kikenn demann ou pey enn labwason, ou enn manze ou zis demann ou enn ti kas, si ou pa anvi done, ou reponn :

Alé war Roland ! Enn sou ou pa pou gagne, lame pou rest dan pos…

[Bebet Lanwit] « Alé war Roland! » ou rakont nou Garros.

Ala enn zoli fason fer zanfan konekte ek listwar bann personaz ki finn mark listwar zot pei. Se koumsa ki Jean-Louis Castanier ek Jean-Bernard Grondin koumans zot bann latelie dan bann lekol. Sa semenn-la, sa de manb lasosiasion A-3-A ti dan Moris pou fer dekouver a bann zelev lavi Roland Garros. Atraver enn zwe ki A-3-A finn invante ek enn film, bann zelev 3 lekol Franse finn gagn lokazion konn inpe plis Roland Garros.

[Bebet Lanwit] « Alé war Roland! » ou rakont nou Garros.

[Bebet Lanwit] « Alé war Roland! » ou rakont nou Garros.
Biensir, nou ti pou kontan ki enn inisiativ koumsa kapav al dan enn maximum lekol dan Moris. E esperon ki bann lotorite konserne pa dir : Alé war Roland!

Rédigé par Bebet Lanwit le Vendredi 12 Octobre 2018


1.Posté par castanier le 12/10/2018 11:28
Ce serai une fierté de pouvoir continuer à partager notre culture et patrimoine autour de ce personnage illustre. Voir dans un avenir proche d'autres passion partagés entre nos adhérents de l'association Air Trois Air.
Merci à nos "cousins" Mauriciens pour votre acceuil.
jean louis

2.Posté par ODAYEN le 14/10/2018 22:51
C'est une très belle initiative de l'associationA3R d'être partie dans l'ile sœur pour cette opération et de fêter R GARROS à Maurice
Ce partage autour de l'histoire de nos iles est une richesse et que pour la suite cette démarche puisse prendre d'autre ampleurs.
Merci à vous Mr CASTANIER pour votre investissement dans mon ile natale.

Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.