[Paul Lismore] Seki mo ti dimane Bolom Noel

1/ Li met ene soset sale dan la guele ti cretin pou li arete dire "Evidaman" et "Bien sure" dan sak fraz.

2/ Li montre Jag (Hi! Mo ene zoli krapo, moi!) kouma plante pom damour pou li aret al plante la poudre kot dimounes...

3/ Li fer ban leaders lopposition konpran ki zis zot chatwas kontan guet zot conference de fesse et ki lepep normal prefer ki zot koumans zoine dimounes et fer meetings piblik.

4/ Li fer ban zourlanus mercenaires konpran ki apel vrai journalisme.

5/ Li donne sak mam gouvernman ene colonne vertebral pou zot aret verse divan zot leader, et pllto dire "Oui. To pa vreman jeune et dynamik mai to enkor bien kouyon!"

6/ Li donne sa ban chatwas tou parti ene la vi kot zot koumans respekte zot meme, en place ki lisse trou fesse zot leaders et so zombies.

7/ Li fer Nando konpran ki meme dan so wet dream, zamai li pou kapav vine Premier Ministre, alor aret azir kouma dire li tro popiler et lepep p fer fantezi avek so la tete brylcreem.

8/ Li fer sa 3 pantins ki fer conference de fesse dan Sun Trust konpran ki dimoune gagne vomi kan tan zot koze. Et fer zot arete zour nou kan zot fer nou koir ki ban gran voleurs, c ban patriotes sa.

9/ Li fer ban dimoune ki pa konpran ene ferfoute dan ene lartik aret met ene comment ki pa ena narien a fer avek lartik la.

10/ Li fer dimoune ki apel zot "influencers" konpran ki ene ferfoute zot pa influence, parski zot pa kapav meme influence ene poil gri arete amerde ban poils noir zis avek zot presence... 

11/ Li fer ban dimounes avek la tete kokom ki kontan sa ban influencers la konpran ki batte kk pou fer mastik pou ene pli bon passe temps ki suiv ban ggt parey...

12/ Li fer nou Speaker Bouffon perdi sitan poid ki li disparet net, et zamai nou re tanne sa la voi ki fer nou kk sezi et pa envi sorti.

13/ Li fer nou ban mazistras konpran ki la cour, c pa ene branche Casernes sa ou Biro DPP sa. La cour, c ene place kot dimounes soi dizan "learned" guet facts en toute objectivite et pran decisions baze zis lor facts.

14/ Li fer ban CEO nou ban institutions "independant" konpran ki "Independent" pa v dire suiv lordre la kwizinne, ti cretin, ou ene so ban macros.

Sorry, avan mo met point 15, Bolom Noel avoy moi so foto et dire moi: " Eoula! Can't you see I am very busy playing with my toys? The difference between the difficult and the impossible is that the impossible takes a little longer time. What you are asking is impossible!" Ala so foto....