Menu

Paul Lismore

[Paul Lismore] Sarz fausse kont Akil Bissessur met deor !


Rédigé par Paul Lismore le Mardi 28 Mars 2023



Oui, mes chers compatriotes, zis ban chatwas et ban dimounes bien kouyon ki ti koir sa zistoire teribleman en fesse ki Akil Bissessur ti fer le tour L'Ouest avek so pizza take away, suiv par gablous partou ki pa in truv li pran narien, ou donne narien a personne, atan li vine lakaz, pa fouy li en deor lakaz ou toute long traze dan l'Ouest, mai atan li rant endan lakaz pou zot kapav kraz la porte, la fenetre, meme stati Hanuman, pou rode la poudre ki zot kone Franklin ena par ta.

Et tou sa zes lor so sac la? Ki zot koir ti ena la dan? Kohinoor ki ancetres la reine ti kokin depi L'Inde? Non! Zis so lamoresse sale et possib ene sandwich ki pa in manze et in vine in p vert...Alor, ene drug dealer pou garde ene ti poignee la poudre dan ene gro sac ki la police ti bien kapav fouye avan li rant endan lakaz? Eoula Jag!

Mai ena full confiance dan nou Special Shit Team! Parski kot zot truv la drog? Dan toilettes kot dimoune pa plante mai al kk! Trust the Shit team to find the shit in the place where people shit, eh Jag ( Hi! Mo fer tapeur zis kan gro gablous otour moi!).

Tan dire ki le ti cretin p sitan amerde ki li pou montre fotos ban rave parties de Franklin...Malerezman, ena foto ban tifi la dan ki paret bien familier...Et kouma Rostom dire hier, "Lady Macbeth ena droit al dan rave parties!"

Mardi 28 Mars 2023

Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.


LES PLUS LUS EN 24H