Menu

Paul Lismore

[Paul Lismore] Phone call to Dipshit re "public gathering"


Rédigé par Paul Lismore le Mardi 24 Janvier 2023



[Paul Lismore] Phone call to Dipshit re "public gathering"
Allo? Mr Dipshit? Oui, mari bez kot moi la! Sa zafer gastro enterite la in vine lokater kot moi, et mari bez, mo dire ou! Kouma zot tou envi al kk, b boukou dimounes p atane divan la porte toilettes.

Eski ene "public gathering" sa, ene "rassenbleman illegal"? Ena ene la loi bien bankal ki dire ki bizin ou permission avan ki ene groupe dimounes kapav diboute ensam, koz koze, fer ene ti diskour, et atane zot tour pou al soulaz zot. 

Alor, mo bizin dimane ou permission avan nou al kaka? Ou eski mo bizin koz ar le Cootha a votre service et dimane li? Malerezman, li jamais "au courant", et meme si kiken alime so kalson lor li, li pou dire ki li pa au courant ki so fesse p brile...

Ala seki sa la loi bankal la dire:  « Any person wishing to hold or organise a public gathering shall give written notice to the Commissioner not less than seven clear days before the day on which the gathering is to be held or organised ». Ena bez la! Pou al kk akoz gastro enterite oussi bizin ou permission? Ou pou vine cheke si vreman dimoune p met la queue pou al kaka, ou si zot p nek kass ene poz divan toilettes?

Laisse mo dire ou: Si ou pou vine cheke, fer sire ou amene ene deodorant/air freshener bien fort avek ou, sinon sa loder ki p "gather" en piblik ici ena sans touye! De grace, (pa commission de grace, ein!), protez ou avan ou vini, sinon dokter la kwizinne kapav dire ki ou in mort par suicide, et pa par murder par dimoune ki in kaka tro boukou.

Alor, please dire nou si sa rassenbleman divan mo toilettes la li illegal sa ou non? Ene public gathering sa? Si oui, b dire nou kommien dimounes en droit diboute divan toilettes pou nou obeir sa la loi bankal la. 

Kumsa, ban seki en plis, mo kapav donne zot direction pou al dan karo kann ki bien bizin fimier. Li bon, li pa bon? p.s. Pa bizin avoy Jag (Hi! Mo fann kaka partou, moi!) pou teste so plantation ici. So touk maria mort ar sa loder la, mo dire ou !

Mardi 24 Janvier 2023

Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.