Menu


Paul Lismore

[Paul Lismore] Merci Zouberrr...to in donne prev ki Icac, c vreman ene institution ki expert dan cover up...


Rédigé par E. Moris le Vendredi 30 Octobre 2020



Lepep Kouyon, zamai blier ene verite: tou zafer ena valeur, meme si li paret kouma ene plot kk. Aprer tou, kk servi bien kom fimier, non? Alor, kan Zouberrrr ouver la guele et re koz kk, li koz la verite san ki li meme koner ki li p dire...

Hier, kan dimane li questions lor sa vol Rs 1.5 milliards nou larzan par ban voyous pou soidizan asseter mask, ventilaters, meksine, etc, li donne reponse ki tou voleurs dan tou gouvernmans dire: " Pa kapav koz sa parski ena lenket lor sa!" En dotre mots, laisse lenket bidon la pran so le tan et kan zot tou in blier sa, lerla si zot envi poz moi questions lor sa, pena problem.... 

Aprer 1an/2ans, kan re dimane li, li pou dire " Ayo! Pa kapav reponne! zafer la avek DPP la!" Aprer 1 lot an/2 ans, si zafer la al la cour, kan re dimane li, so reponse: " Nou system zistis li independant! Pa kapav reponne questions kan zafer la dan la cour!"

Entre tan, ICAC in maye ene 2 tilapia, et pe rode fer nou koir ki zot meme sanpion la peche dan le monde...Bonomally, Reddi, Bissoon, etc, c ban ti lapia ki in manz sa gro la bouette ki STC et ministere la Sante et Commerce in avoye zot. Ala kouma systeme la ti travay:

Ban voleurs dan gouvernman penser ki ena gran jackpot dan coronavirus, parey kouma voleurs dan lezot pays in fer: la presse, media, TV in creer ene hysteri lor sa virus ki in touye boukou moins dimoune ki malade cardiak, diabete, tansion, cancer etc. Ban voleurs penser ki akoz pena oken guerison pou corona, alor a nou vine bien riche avek ban zafer ki possib aider pou enpesse virus la. La Chine, L'Inde, et le zot pays in fini avoy nou kom cado boukou tonnes ban legan, masks, uniformes, la creme etc. A nou garde sa trankil et a nou fer koir ki nou bizin boukou plis. Alor, bien bizin "Emergency Procurement" kot nou pa bizin check ene ferfoute et ninporte ki prix tender gagner, nou pran!"

2eme staz sa vol la: Psssst! Bissoon, to pa met diluil dan zorey toi! Creer ene ou 2 conpagni, avoy tender (pa bizin met prix,parski nou mam, nou!), garanti to gagner! Bissoon gagne cheque pou Rs10 millions depi gouvernman, li donne zis Rs 6 millions equipman a gouvernman et Rs 4 millions rant dan so poche! Pou travay pa meme ene zour! Li bon li pa bon? Zis ban anti patriotes ki pou dire ki sa pa bon.....
Reddi fer pli bien li et tap plis. Bonomally tap sitan plin ki bonom la aller dan clinik kan li tander ki ICAC p rode la peche tilapia....

ICAC PA GUET FIGIR!, sa chuttur ka mou Beekarry la kontan dire nou. So nouvo slogan bizin vreman eter,  Icac GUET ZIS TILAPIA, PA GUET REKIN!" Si gouvernman in signe et donne cheque par centaines de millions nou roupi a ban zoaves, kouma Bissoon dire, " Kot mo in faute?".

Meme ban sixieme fail in konpran ki faute la, c entierman faute gouvernman, faute ministre la sante et ministre commerce, et STC. C ban la ki in met tenders deor en kassiette, ki in aksepte tenders meme zour ki in meter, ki in aksepter prix exorbitan ki ban ti lapia in dimander...Tou dimoune koner ki ban ka blansiman dargent kont ban ti lapia pa pou marser, parski zot in pran larzan ki ban fesse in donne zot kan in aksepter tenders en fesse, " en suivant toutes les procedures"...!

Ban sixieme fail in konpran oussi ki sa pa in kapav fer san cooperation ministre la sante, commerce, et STC, et possib gran manitou et Padaleksi oussi. 

Alor, kifer sa LKSM Beekarry p nek trap tilapia, la gazette fer gran zes kouma dire li in kass ene gran packet, et personne pa p dimane sa vaurien la: KAN TO POU ARET SA PAGLA MINISTRE LA SANTE LA, sa gro bouffon ministre commerce la, sa ggt en sarz STC la, et poursuiv zot pou koription? Kan pou arete Zouberr et o moin dimane li kifer aprer so email personel a ene Espagnol, 3 hrs tan aprer, Rs 500 millions nou pitaye al dan LEspagne?

Kumsa to ene bobok, Beekarry? Ou eski to pran nou pou Bobok?

 Kan zourlanus pou aret donne sa vaurien la sa kantite linportans ki zot donne li? Zot nene bousser kumsa ki zot pa senti sa kantite kk ki li in fer dan ICAC?


Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.