Menu


Paul Lismore

[Paul Lismore] MORISIENS TRO KONTAN PLAIGNER! GUET KOUMA NOU PAYS P PROGRESSER!


Rédigé par Paul Lismore le Lundi 29 Juin 2020



Discour du Premier Ministre:

1/ Zot plaigner ki prix legumes tro cher,et mo in bien tanne zot. C akoz sa ki ene stade ki in coute Rs 5 milliards in beni, et p gagne champignons lor sa aster!

Zot koir facile sa? Zot koner ki kalite sacrifice ti bizin fer pou ki sa gran stade ki mo in fer construir dan mo circonscription pou ressi fer nou manz champignons biento? Blier sanpion football ou sipaki sports! C champignons lor nou plat ki nou bizin! Champignons frire. carri/rougaille/dan mine frire/Apollo, etc! Sakili!

Kom Premier ministre, Rs 5 milliards ene narien ditou pou moi sa. Moi mo dire ki si pa kapav batte boule lor terrain, a nou plante champignon lor sa, mes chers compatriotes!

Zot in truver kouma mo ministre ki kontan met lamoresse zoranz in depense Rs 100 millions pou fer Stade Georges V vine ene la mare cresson? Aster, zot pou gagne zoli champignons ar zot cresson! Mo bizin koz ar li et dire li plante in p brede sonz lor rebord sa tigit gazon ki rester la. Cresson, champignon, et Katchou, sa ki bon sa!

Si li sakouy so lamoresse zoranz o milieu terrain football la, mo sire pou gagne in p pieds patates oussi ki pou tonber et pousser laba....Kom ene vrai patriote, mo pena oken doute ki nou ministre lamoress zoranz pou fer li.

2/ Lil Moriste so repitation p grandi dan le monde entier.

Avan mo pran pouvoir, bien tigit pays ti konne nou pays. Aster, partou dan le monde, zot p koz Moriste et dire, "Maru sa!". Biento, zot pou aplodi nou kom sel pays o monde kot so biro anti koription in fer koription vine a la mode. Zot koir facile sa?

Zot koner ki kalite zefor Navin Beekarry in meter pou fer ban bon dimounes ki par aksidan in kokin amene ene la vi confortab dan Moriste? Et en liberte? Sa ki apel ene vrai patriote! Sitan li bon, ki li laisse Ivan Collendavelloo ramasse tou so dokiman li meme, kan mo ti met li deor! Normalman, ICAC ki ti bizin sezi sa ban dokimans la pou so lenket, mai Navin ene bon piti sa...extra bon coeur, sirtou kan mo donne li lordre! Meme ban zourlanus L'Express ti sitan inpressioner avek sa ki zot filmer Ivan p fer so valiz et zot koz zoli kozer ar li. Zot truver? Dan LExpress oussi ena patriotes aster! Mo bizin pez so GoNad in p plis, mo koir...

3/ Plaigner, plaigner, sa meme zot koner! Narien pa bon pou zot!

Dire moi ene kou, kommien parmi zot pa reve ene bon sezour lor ene cruise ship, kot tou gratis, et zot nek kass poz? Mo zoli garcon, le Brylcreem Boy Nando, p fer tou possib pou laisse ban ingrats res lor sa ban bato de luxe la, et la oussi zot plaigner? " Nou envi retourne lakaz!", zot nek dire...Kumsa ingrat, do? Nou p fer tou pou nou ban frer et ser Morisiens res lor la mer, et zot bien koner kouma Morisiens kontan la mer...Aster, ena p al lor BBC pou plaigner ki nou mo ve, ki nou bien bezer, ki nou pa ena sentiman, ki li illegal seki nou p fer? Eoula! 

Taler mo pou al lor MBC et explik zot kifer ena morisiens ki kan meme mo donne zot Champagne pou boir lor bato de luxe, zot dire zot envi boir Eureka en famille dan lile Moriste! Evidaman ban anti patriotes sa!

4/ Aster, ene ggt ki mo ti nomme kom ministre p plaigner ki

" Notre image a été ternie. C’est komsi nou dans ene marée noire. Sur le plan international, on nous considère comme un état voyou.... L’avenir est bien sombre, que ce soit au niveau économique ou social. Le dernier budget n’augure rien de bon.... C’est clair que le gouvernement actuel est en net déclin. À mon avis, ce déclin va s’accentuer davantage..... C’est le gouvernement le plus fiasco qu’on a eu depuis l’Indépendance. Je suis très inquiet pour le pays. Pravind Jugnauth est mal conseillé." 

Nimak Haram kumsa, do? Li koz kumsa lor moi, le plus grand premier ministre du monde entier? Mo mal conseille? Eoula!

Mo ena ene adviser ki kontan bat battri, ene lot ki expert dan servi orange juice dan avion, ene lot ki kontan zouer ar zalimet, ene lot ki so talent, c fer tekwa meme form ki so figire Tekwa la, ene ki kontan boir et partaz so Sherry, etc. Mo mank zis ene expert dan belo farata dan mo lekip advisers, et lerla mo pou kapav dire ki pa ena oken Premier Ministre dan le monde avek sa kantite experts pou advise li! Ar moi, non!

Mes chers conpatriotes, arete plaigner! Guet kommien dimounes mo in fer vine bien riche dan sa pays la!

Kan mank meksine dan pays, mo kamarade Jagutlagrainpal pou largue zoli contrat a ban dimoune bien bon ki pou fer zot apprecier meksine la plis, parski li pou doubler, tripler prix ki avan! Sa ki apel servi nou pays!

Ban patriotes, moi et sa boug bien modeste la, Kakayachee, pou met pays lor meme rail ki Metro, sa mo kapav garanti zot. Ena p dire ki nou bon zis pou kk lor rail, mai ban anti patriotes sa! Moi mo la pou fer zot plezir!

Akoz sa gran lenvi mo ena pou fer zot plezir, mo pou met dan prochain manifesto ki sak adulte pou gagne ene dildo GRATIS!!! Oui, gratis! Kumsa, ban ki kontan brener kapav "come" together with us et re vote moi o pouvoir! Pa pou bizin T Square, computer special, Electoral Soucerre Commission, Dulthaidiot ek so la guele kouma kouta ke chuttur, ou Moron Broadcasting Corporation pou aide moi san foi la! "Ene dildo par lakaz" pou re fer moi vine zot Premier Ministre. 

Evidaman. Et Bien sure


Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.