Menu



Paul Lismore

[Paul Lismore] Le PM : « Zame dan mo karyer monn truv ene kanpayn ossi antipatriotik ! »


Rédigé par Paul Lismore le Lundi 20 Septembre 2021



Oui, mes chers compatriotes, c moi:

Le jeune et dynamique Pravind Kumar Jugnauth,
Ossi konu kom le plu gran patriote de lile Moriste,
Meme si zis moi et mo ban soucerres ki dire sa. Hi han hi han!

Zot in mal konpran moi kan mo dire ki
" Zamai dan mo carrier mo in truv
Ene canpagne ossi antipatriotik"
.
Mo pa p critic personne moi!
Mo ene bon dimoune moi!
Mo p zis dire ki oken gouvernman pa in
amene ene canpagne parey 
Dan linteret superieur du pays,
Kouma nou abitier dire.

Laisse mo donne zot 2-3 lexanp:

1/ Kraz BAI/Bramer, kokin tou assets Dawood Rawat,
Van sa bo marse a ban chatwas
Et fer Lepep koir ki nou in fer ene gran zafer patriotik!
Haha! Mes chers compatriotes, 99% dan zot zamai ti koner
Ki apel ene ponzi ziska ki nou kraz BAI.
Et ziska ler, la plipar pa koner ki ene vrai Ponzi ete!
Mai grace a nou MBC, 
Nou la presse independante,
Et ban dimounes ki pran zot pou ban zeni economistes,
Nou ti ressi fer zot koir ki vreman ene Ponzi sa, 
Et pli zoli, boukou ti koir ki nou ti sap pays dan bez
Kouma ban vrai patriotes!

2/Nomination tou kalite laryaz dan gro posts
Avek la paye et privilez ki meme Satan 
P dire, " eh, pa bon sa!"
Mai le MSM, c ene parti ki protez la famille,
Et personne pa kapav dire ki nou pa protez La famille Jugnauth, la famille so ban tentacule familial,
La famile chatwas ki entoure nou,
La famille soucerres et manzerre kk
Ki protez tou sa familles la.
Rapel bien: Pli gran defenseur la famille dan listoire,
C la mafia en Italie....
Et ban pays diktatire
Ki pa kouma nou gran demokrasi.....

3/ Dan Moriste, kan nou al fer shopping pou lakaz
Nou dire, nou p al fer commissions.
Grace a ban patriotes dan gouvernman,
Pays p fer progres et tou dimoune koner aster,
Ki "commissions" v dire cado ki ban gran patriotes
Vreman merite pou la facon zot servi le pays.
Alor, si ene contrat vo zis Rs 1 million,
Li ene acte vreman patriotik pou fer 
Prix final vine o moin Rs 5 millions.
Kumsa travay la koute Rs 1 million 
Mai Rs 4 million pou ban serviteurs du pays
Ki in travay dire toute la nuit
Pou larzi zot poches et met
Zoli fermtire kler ladan...
Mai fer atansion, mes chers compatriotes!
Rapel bien ki in ariv sa anti patriote Kistnen 
Kan li decide pou al koz menti lor sa ban contrats la!
Kouma ene boug kumsa kapav met ene gro tache lor 
Sa zoli figire vierz de Yogida la, ein?

4/ Nou ban instititions ti bien boring avan,
Avek civil servants ki fer zot travay et
Al lakaz. No parties, no champagne,
Pa meme ene boutte dipin frir ar so satini!
Mo gouvernman in sanz sa kouyonade la net!
Dan tou fami ena ene ou 2 avek la tete feb
Ki pa tro konpran kouma 1+1 kapav=2.
Moi, mo sel Premier Ministre ki in renplace tou sa ban 
Dimounes bien boring dan nou instititions
Par ban ti lespri dan nou fami!
Oui, sak semaine, nou avoy sa ban la tete kokom la
Pran sarz nou instititions 
Ziska ki aster, kot passer dan nou institutions,
Ena zis ban la tete kokom,
Ki kouma zot koner,
Ena 90% dilo, et le res zis la grain...

Nou p montrer zot, mes chers compatriotes,
Ki la famille, c bien inportan pou nou pays.
Zis ban vre patriotes ki guet zot fami kouma nou guette nou fami.
Alor, pran ene bon Sherry, zouer ek zot Arianus,
Et remercier Bon Dier ki Moriste
Ena ene gouvernman renpli ar patriotes!

Ene kouyon dire moi ki Samuel Johnson dire
En 1775 ki "Patriotism is the last refuge of a scoundrel".
Zot pa truver ki sa lksm la ene anti patriote sa?
Ene scoundrel, c ene dimoune malhonete et sans scrupule.
Nou ban serviteurs du pays, nou!
Alor, bousse le tonkin avek to kouyonade scoundrel la!

Vive Lil Moriste! Vive nou system Commissions, nominations kokom!
A nou protez, defane, et promote nou fami
Kouma ban vre patriotes!

Apre tou, Incest is best kept within the family, non?

Lundi 20 Septembre 2021

Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.