Menu


Paul Lismore

[Paul Lismore] Kouma tou questions ena ene sel reponse: Covid


Rédigé par Paul Lismore le Dimanche 27 Septembre 2020



Question: 1/ Ki ou penser lor Liverpool kom sanpion?
Answer: Laisse mo dire ou, c moi ki in ressi enpesse Covid dan Maurice.

Ou koir ban prix in tro monte dan Moriste et boukou lepep dan bez?
Kouma mo ti p dire, et mo pa dire sa asser souvan, si pa ti ena moi, pays ti pou renpli ar Covid!

Nou doi plis ki Rs 400 milliards. Kan pou ressi retourne sa?
Le monde entier aprecier kouma nou in enpesse Covid!

Tro boukou crimes dan sa pays la. Kouma ou pou resoud sa?
Eski mo in dire zot kouma apart mo mari konba kont la drog kot mo in kass lerin mafia, mo in ressi manz ar Covid?

Nou pays bien diviser par ban racistes. Kouma ou pou fer linite?
Pa so place pou koz sa, huh huh! A nou koz covid!

Dimoune dire ki ou vreman ene cretin. ou reaction?
Le monde entier aprecier mo conba kont covid, huh huh..

Ki ou plat preferer dan la cuisine? Lady Macbeth dan ene zoli la sauce tomate? ou Nutella a gogo?
Guet mo rezilta! Covid in sayer ar nou!

Ou kontan boir ene ti verre Sherry dan tanto? Oussa reservee zis pou ene sel dimoune sa?
Morisiens ena boukou la sans ki moi ki PM kan covid in rode atak nou!

Ou madam pa amerder kan ou rode pass ou pou le roi malbar, parski li la moitie Chretien li?
Kommien foi mo pou dire ki mo in fer ene mari travay lor Covid?
 
Kan ou madam envi fer ene ti gatee, ou bien romantik ou?
Mo dire li, mo cheri (pa Sherry!), mo p la guerre kont Covid la et mo p rode lerin mafia la drog pou kasser! Pa amerde moi avek sa ban zes la!

Merci Premier Ministre! Nou pays in safe hands avek ene PM ossi intelizan kouma ou...Boukou dimounes p gagne six packs  san fer lexercise parski zot faim, et zot kot paret kouma 24 packs!


Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.