Menu

Paul Lismore

[Paul Lismore] Kifer ?


Rédigé par Paul Lismore le Jeudi 29 Décembre 2022



[Paul Lismore] Kifer ?
1/ Kifer, tou les zours, dan Top fm so paz " les grands titres de Top fm", tou so "grands titres" fini par plusieurs exclamation marks? Si alle kumsa, biento ene titre " ene boug in manz 3 pairs dal pourri" pou ena 3 exclamations marks oussi?

BTW, mo kontan ki sa ban zoaves soucerres dan IBA in renouvele licence Top fm pou 1 an enkor...

2/ Pli gran mystere de nos jours: Kifer Nando Bodha koir ki li sitan popiler ki lepep entier envi li kom premier ministre? Poussari Yogida ki in dire li sa? Mo koir tou sa Brylcreem li p servi depi 50 ans in penetre so la cervelle et p fer li koir ban zafer ki fer dimoune normal rier...

3/ Kifer lopposition p krier " nou bizin elections minicipal" kan ti cretin in fini tire tou pouvoir finance ban minicipalites? Ti cretin in koup graines tou minicipalites, et aster zot pou bizin depanne 100% lor "government grants", Let us assume ki lopposition gagne tou les 5 minicipalites. Ki arive lerla? Ban les maires PTr/MMM/PMSD al tal la main divan batiman tresor et krier, "oui Pravind, to meme nou bolom Noel! Donne nou in p pitaye, do!"?

4/ Kifer dan ninporte ki crimes ki raporte dan zournal, ban zourlanus dire nou ki gablous p travay "d'arrache pied"? Mo gagne kosmar pense ki boukou nou gablous p marse avek ene sel liped, parski lot la in arrache net depi zot lipieds dan lenket la....

Possib ki c akoz sa ki zot pa in arrache meme ene ti poil dan lenket assassinat Kistnen...ou dan ninporte ki conplainte fer par dimounes ki pa "nou bann"...Possib ki ena ene gran dimoune dan la kwizinn ki check poils ban dimounes ki fer conplaintes a la police et dire ban gablous, " San la, bon poils, servi Taser si bizin! San la mo ve poils sa, pisse ar li!"...

5/ Kifer, tou les zours, o moin ene LKSM ki deklar li " Forex trader", or "Crypto currency expert" avoy moi ene "friend request" lor Facebook? Eoula! Fou ou Forex dan sa trou kot ou koir soley leve, do!  Et ena ladan ena toupee lerla avoy moi messaz ki zis dire " Bonjour je dois vous parler". Eoula! Mo ou dokter, moi? Si mo charge ou fees ki dokter charge dan Moriste pou ou "parle" avek moi, ou pou arete fer ou Forex Trader/crypto currency expert" et dire, "Plito mo vine dokter prive dan Moriste! Ena plis pitaye ladan!"....

6/ Kifer sa ban parti lopposition ena bel pitaye pou manz zoli manze dan restoran cher, mai deklar pena kass pou fer meeting piblik? Tou membres lopposition dan parlman in fek gagne plis ki Rs 5 millions en total kom bonus 13eme mois....malgre ki sa loka la res ferme pou 6 mois par lannee! Zot pa kapav servi sa larzan la pou organiz meetings piblic partou dan pays? San briani, rhum, ou bus pou al la mer, evidaman....O moin, zot kapav dire zot partizans dan sa ban meeting la: Al dan meeting MSM, bez zot briani, zot rhum, et al passe la zournee la mer dan zot bus, mai pa vote sa ban parasites la zamai!

7/ Kifer ene ggt ki apel Callychurn depi Londres p kontinier souce ti cretin? Depi 2014, li p souce meme, mai ziska ler, li pa in meme gagne ene ti job kom pion....Kan sa lenvi souce la pran sa ban chatwas la, mari bez sa, mo dire ou!

Jeudi 29 Décembre 2022


1.Posté par Pada Le Batchara le 29/12/2022 18:22
Pau Lismore, I know who you are. You are the guy you think I think you are.

Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.


LES PLUS LUS EN 24H