[Paul Lismore] Kan FMI dire Harvesh arete met nene dan MIC...

Mes chers compatriotes, 
Mo apel Harvesh
Malgre ki Roshi Badhain dire ki mo ene fesse.
Oui, mo ti conplice morpa dan ene zafer conflit dinteret,
Mai zis bolom ki ti al balier la cour station pou 90 hrs
Parski li kontan servi kominote....
Dimoune kapav dire ki akoz sa, mo pa fit and proper,
Mai mo touzour lav mo graines kouma ene bon chokra, moi.

En Juillet 2017, Missier Pravind fer moi vine CEO FSC
Mari job sa! Mo in bien voyazer
Et lepep kouyon in depense preske Rs 5 millions pou mo vakarne.
Kan mo pense tou sa per diem la, mo mari raide
Et mo mariaz bien fort akoz lepep so l'aide.

Kan mo ti chef FSC, dimounes ti p koz trou noir
Mo ti penser ki zot bien malelve et zot p koz zoli trou dan asoir
Aster Lerop p dire ki nou dan trou noir, 
Pa mo faute sa! Mo ene bon patriote moi!
Ene bon Blue Label duty free zoli nissa pou boir
Kan mo tro servi pays et
Mo pena torche pou guet dan trou noir...

Mo ti koir mo tousel kouyon
Mai Padaleksi et ti cretin pli kouyon
Parski zot in fer moi vine gouverneur la bank Moriste
Et malgre ki sa news la fer Lepep triste
Mo fer kouma SAJ et mo pisse lor zot
Parski mo la akoz lepep kouyon so votes.

Mo pena oken lexperians dan travay la bank
Mai aster moi ki mari tou la bank.
Avan sa mo ti dan Board of Investment
Kot mo in fer boukou larzan.
Et kot mo ti ressi fer sourire avek ban saints kouma Sobrinho.
Akoz sa mo marse lao lao
Kouma dire mo trou fesse fer mal tou le tan.

Aster, seki Padaleksi et Pravind dire, sa meme!
Bank de Moriste in vine la bank MSM. 
Alor, kan avan ti p kokin par milions
Aster nou koz par milliards, ban kouyons!
Ene ferfoute zot pa pou kapav fer, 
Parski tan ki Pravind la, mo pa pou peur.

Avek MIC, nou ti fer ene ti trick,
Kan nou fer li soidizan "private", meme si larzan lepep sa.
Alor, zot pa kapav dimane questions
Lor kot sa ban milliards la p aller.

Si nou in ressi kokin ene election
Na pa rode fer moi koir ki nou pa kapav kokin direk depi la bank national.
Parski nou dan ene etat de droit
Sa ve dire ki nou konner ki la loi 
Pou passer pou nou kapav dire ki
Nou p suiv la loi, alor lavenir nou pays sire.
Avek ban serviteurs du pays, ban patriotes
Ki travay raat aur din pou zot lavenir.
Seki pa aksepter sa, mo pou fer Servandersing so gablous bez kalottes!  

Mari bez aster! FMI in dire ki
La Bank Moriste bizin largue MIC,
Et nepli finance MIC
Et Padaleksi ki bizin finance MIC avek so bidze!
Sa v dire ban anti patriotes pou kapav poz questions!

Mari bez! Boukou milliards ti rester dan MIC
Ki ti kapav servi pou bribe lepep kouyon
Et fer zot re vote nou o pouvoir.

Ki pou fer aster?
Mo koir nou pou bizin depanne lor
Sa gran nwar ki res pre ar Flic en Flac
Parski so la poudre blanc la vreman extra..
Nepli tractopelle aster,
Aster nou fer li vine direk depi avion prive...
Ki pli bon ki sa?

Merci Padaleksi et Pravind
Pou zot confiance dan moi.
Meme zamai mo in travay dan la bank,
Zot fek renouveler mo contra pou 3 ans
Kot mo kapav kontinier dire ban vrai banquiers
Ki mo meme zot mari!