Menu



Paul Lismore

[Paul Lismore] KIFER?


Rédigé par Paul Lismore le Dimanche 7 Mars 2021



1/ Kifer zour ki tou nou ban ministres patriotes al fer vaccin, sa meme zour zot annoncer ki nou nepli Covid safe/free, mai ki in gagne nouvo ka a Moriste? Eski zot pa douter ki ena plis ka ki sa 8 ki zot in deklarer la, et ki bizin ena plis ki sa avan ki ban ministres decider pu protez zot fesse et vaccine zot en masse?

2/ Kifer boukou dimounes, sirtou the usual suspects, p dire ki delegation ministre L'Inde ki in amene sa virus la, et p fer ene gran tapaz, mai res trankil kan President Seychelles ti vine Moriste san ki li oussi et so delegation pass dan quarantaine? Covid p fer dimoune guet avek ene sel lizier aster?

3/ Kifer ene sel cou, Moriste in renpli ar ban epidemiologues, virolog, specialistes dan tou zafer medical, et ki in fini koner avek 100% certitude lor Facebook kouma sa virus la in rant dan Moriste? Prix Nobel p rode zot...

4/ Kifer gouvernman entier, tou ministres, Berenger ki ena ene lopinion lor tou zafer, leader lopposition, et ban ki kontan met zot la guele dan videos ban zournal, kifer zot tou p res trankil? Kifer zis Arvind Boolell in fer the decent thing et dire ban dimoune pa al fer pelerinaz mai prier dan zot lakaz plito? 

5/ Kifer mo p bizin morde mo la lang kan mo dire "Felicitations" a ban socio kiltchurel ki in cancel tou la priere piblik pou enpesse sa virus la propazer? Pou ene foi, zot in fer ene zoli travay.

6/ Kifer mo pa senti oken sinpati pou ban pseudo relizier ki fer mari profit lor croyance ban pelerins? Pense ene kou, plis ki 500,000 dimounes fer pelerinaz , et si saken fer ene donation minimum de Rs 25, do the maths et konpran kifer ban socio kiltchirel fer boukou tam tam sak Mars...

7/ Kifer Bibitpal enkor ministre kan li bez nou larzan pou asseter ventilater ki pa travay? Kifer Zooberrrrr pa enkor dan prison pou so role kom macro pou Pack and Blister pou sa ban ventilaters en fesse la? Kifer Madame Gaud pa asseter ene Gode et amiz li ar sa, et fou nou la paix?

8/ Kifer nou enploy des dizaines de milliers civil servants, tou lor zoli pension, privilez et boukou lor gro la paye, mai pa ena personne pou asseter oken lekipman pou gouvernman? Kifer tou zafer bizin fer via kontrakters, kan nou koner ki tendering process bien pourri et koronpi? Kommien milliards roupies in depenser lor ban contrats en fess kumsa? Kifer Civil Servants pa kapav direkteman place commande et verifier tou lekipman? Kommien ekipman in asseter avek missing parts, san garanti, et san aprer sales service? Kifer pou tou zafer, bizin pass par ene macro ministre ki pou renpli so poches et poches ministre la avek nou larzan?

9/ Kifer zot kontinier dire, "Port du masque, social distancing": Zis pou lepep Kouyon sa? Kommien foi nou truv ministres et la plipar politiciens san ene masque pou kassiett zot vilain la guele? Kommien foi nou truv zot entourer ar zot soucerres er zombies, et personne pa in met masque?

10/ Kifer personne pa p questionne sa kantite avions prive ki in debark dan Moriste depi confineman? Kifer personne pa p dimander si sa ban dimounes riches la ti passe dan quarantaine? Kifer personne pa p questioner si ban la meme ki in amene sa virus la a Moriste? Zot prefer blame cartron ou pommes et zoranz?

Kifer personne pa p dimander si Ayatollah Soodhun ti fer quarantaine sak foi li vine plak so fesse dan Moriste? Oussa zot nek gagne bon avek L'Inde tou le tan? 

Sitan dimoune hypocrites, guet kommien pou bourrer pou al pran vaccin ki manufactured dan L'Inde dimin....


Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.