Menu


Paul Lismore

[Paul Lismore] Je m'appelle Yogida


Rédigé par Paul Lismore le Vendredi 4 Décembre 2020



Mo tan mo jeune et dynamik Premier Ministre krier:

"Ayoyoyoyoyoyo Yogida! 
Mo donne toi plis ki Rs 350,000 par moi
Mo donne toi per diem a gogo kan to envi plak to gro fesse dan avion
Mo donne toi entertainment allowance sak moi ki 2 foi minimum wage
Mo donne toi free phone calls, free lessence, free limousine, free sofer, free gablou 24/24.
Mo donne toi manze 5* kan ene foi lannee mo decide pou ouver parlman
Mo amene toi dan fete sociokiltchurel kot to kapav renpli to gro vant ar manze gratis
Pou EID, mo fer ban la renpli to la guele ar briani pou ene moi
Pou Divali, gulab jamun rant kot li envi endan toi pou ene moi
Pou Cavadee, rasson et 7 carris pas asser?
Pou Shivratri, to manzer pou ene moi gratis.
Tou sa la pa asser? 

En plus, mo fer kouma dire to fam sel notaire dan Moriste
Et mo fer li gagne par dizen de millions roupies lor contrat kot nou ti kokin Bramer/BAI
Et kot nou servi larzan lepep kouyon pou NHDC.
Tou sa la pa asser?

Aster to kreer fausse job et to bez Rs 15,000 sak moi pou toi?
To kouyonne sa madam la, to bez so carte ID, et to dire MRA ki to enploy li?
Tou seki mo donne toi (parski mo meme bolom Noel avek larzan lepep)
Sa oussi pa asser?
Si to ti dimane moi, mo ti pou fer Govinden met Rs 20 millions lor to kont
Et si dimoune dimander, en place nou fer to fam fer ene contrat notaire lor sa, non?
Dan to CV, to meter ki to ena BA (Hons) Accounting and Law, et MBA.
To met UK pou tou les 2, mai pa liniversite la....Drole sa, non?

Mo koir to ti pran sa 2 degres la dan ene Fish and Chips shop, toi!
Parski mo pa konpran kouma dan kokin, to ene gopia kumsa.
To fer MSM gagne honte!
Parski akot nou, nou ban patriotes koner kouma pou kokin!
Baap re baap! Akot MSM, nou kapav fer quincaillerie, bizouterie, marsan poisson, etc
Vine gran experts dan zafer farmaceutik et pran par milliards!
Toi to p kokin Rs 15,000 par moi?

Mo mari honte pou dire ki to dan MSM.
Mo pou bizin revok toi et si possib bour toi deor!
Parski, seki mo dire, sa meme mo pou fer!
Kan mo dire ki nou ban patriotes ban sanpion dan kokin,
Kot ban anti patriotes kokin par millions,
Et nou patriotes, nou kokin par milliards!

To fer nou gagne sharam avek to Rs 15,000 par moi! 
Eoula! Morpa p dire pisse lor toi,
Parski to pa ene vrai MSM toi!
Kan pa konne kokin, al trier brede mouroum dan prison aster!
Shame! Shame! Shame!


Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.