Menu

Paul Lismore

[Paul Lismore] I need your help please!


Rédigé par Paul Lismore le Mercredi 7 Décembre 2022



[Paul Lismore] I need your help please!
Oui mes chers compatriotes. Mo ena ene mari problem.

Mo in assete ene zoli terrain ki pre ar la riviere. Li ene situation ideale (kouma ban estate agents kouyonneur kontan dire...) pou fer ene zoli zardin. Mo bien kontan tou kalite verdures, esp ban ti fey which touch all the parts that alcohol cannot reach....

Zoli scenery, la terre bien fertile, ene place bien trankil. Dan lete, mo kapav baigne touni dan dilo la riviere et laisse ban ti vagues fer moi gidi gidi. Li ene place bien retiree, alor pa pou ena bhai lookhe ki pou envi fer malelve....

Mo problem, li bien sinp: Pena oken dimounes ki envi travay la terre. Mo in rode partou, et mo gagne meme reponse: " Ici, pa pou gagne planteurs. Bizin al Casernes sa. Al dimande ban la laba, parski tann dire ki zot vreman konn plante"...

Alor, mo bizin zot konsey:

1/ Eski mo dimane Dipshit si li kapav avoy so Special Shit Team vine plante in p dan mo zardin? Sitan zot p shit partou, b mo zardin pou fleri bien vite avek sa kantite fimier ki zot p larguer la, non? Ou

2/ Mo dimane Chef planteur, Jag (Hi! mo koir mo Rambo mai vreman mo Dumbo, moi!) : " Tou dimoune p sikane ou, b kifer ou pa vine travay mo zardin et montre dimounes ki nou lavenir, c dan plantation?" Ou

3/ Mo al directly to the top et mo dire le ti cretin et Lady Macbeth: "Mo ene patriote moi! Mo fer zis demaggtri moi, pa demagozi! Eski zot kapav avoy zot lekip experts planteurs pou ranz mo zardin ene cou? Mo pou fer sire ki madame la gagne kommien ti fey li envi! Li bon, li pa bon?"

4/ Ena boukou lerb dan mo zardin. Eski mo dimane DPP avoy Santokoki pou rasse ban lerb la, kumsa li pou kapav aide le Special Shit team plante bien? Li p fer ene mari travay dan la cour kot so mots prefere, c " I object!". Tou zafer, li object li, meme kan Surintendan Bajamalkui pa aware de ene ferfoute...Mo espere ki kan so madame envi fer ene ti gatee ar li, li pa krier, " I object!".

Ki zot dire, plan la bon, li pa bon? Nou bizin pran lexanp de Special shit Team et koumans plante! Sinon, legumes pa pou ena dan sa pays la!
Special Shit Team p donne nou bon lexanp et p dire nou ki pays pou avance bien si nou tou aprane plante kouma zot...JAGte Raho! (Stay awake...)

Mercredi 7 Décembre 2022

Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.