Menu



Paul Lismore

[Paul Lismore] I know nossing! Mo zis kontan alim canf, agarbati, la bouzi, et prier...


Rédigé par Paul Lismore le Mercredi 16 Juin 2021



Mes chers compatriotes,
Sorry mai mo Ingliss eez very potiss
Sitan potiss ki mo madam souvan dire moi,
Ki prochain zassar ki li fer,
Li pou servi mo la guele kom so potiss...

Kifer zot p blame moi? I KNOW NOSSING!
Ene foi mo tire foto Nandinee 
Et sa ban bobok dan Sun Trust la
Donne moi ene ticket en 2014, zis pou sa?
Plis du bez enkor: Zot nomme moi kom ministre!
Akoz sa, dan mo la sam la priere,
Mo ena ene foto Nandinee
Et mo fer sire ki li meme gagne mo pli gro la bouzi...
Parski san Nandinee, vreman mo ti pou sa Zero
Ki boukou dan zot koir ki mo eter.

I KNOW NOSSING! Zot guet mo grosseur?
Mo kouma ene kalipa avek ene gro lerni.
Mai sa pa enpesse SAJ fer moi vine ministre Sports! 
Haha! Bolom la ena ene good sense of humour, non?

Mai so garcon pli mari! 
Mo pa konne narien dan I.T. 
Parski zot ekrir tou zafer en Ingliss.
Ene foi, mo madam dire moi al asseter pad
Et mo retourne lakaz avek ene iPad!
Akoz lor boite la mo truv in ekrir zis Pad
Et ene kouyon in colle prix lor i la,
Alor mo ti koir ki sa meme pad ki mo madam ti envi.
En badinaz, mo madam dire moi,
" To bizin vine ministre I.T. toi!"
Ti Cretin tan sa et pran sa kom ene rekomendation!
Ala li tire moi depi Sports et met moi dan I.T.!

Kouma zot koner, mo konesans I.T. li parey
Kouma mo konessans dan zafer contrat kokin, 
Dan tou kalite triangaz:
I KNOW NOSSING!

Plis du bez, ala ti cretin fer moi vine ministre commerce!
La oussi, I KNOW NOSSING!
Gro gro contrat ki STC in donne mo ban amis denfance,
mo maitresse, mo ban soucerres,
Sa centaines de millions roupies ki sa ban la in kokin, sorry fer,
I KNOW NOSSING!

La mort Kistnen? I KNOW NOSSING!
Mo ti p prier tou les zours sa lepok la,
Et sel zafer mo ti p briler,
C la bouzi, sandal, et canf.
Mai pa dan Caro kann!!!
Malgre ki treter Ravi so karo kann ki mo in donne li,
Nou ti prier boukou laba, meme si li derier ene cimetiere.

Zot riye moi akoz I KNOW NOSSING?
Moi ki kouyon oussa zot?
Dire moi si zot kapav pran leave with full pay and ALL allowances
san dimane ninporte ki lksm permission! Et leave la
Paret unlimited! Haha!
Mo deklar I NOW NOSSING but I KNOW EVERYSSING!

Ena plaigner ki la police in pran boukou retar
Pou interview moi. Zot zalou!
Laisse mo guetter si zot ena poezi dan zot,
Si zot konpran kan 2 soz rhymer bien.
Check sa 2 fraz la:
I KNOW NOSSING
MY NAME IS SERVANSING!

Ala rezon kifer la police in pran tou so letan pou vine amerde moi.
Servansing in fer nossing pou boukou mois
Ziska tou traces disparet
Et tou cameras effacer.

Et aster, la cour pou truv nossing kont moi!
Vive la zistis! Vive nou etat de droit!
Mo al asseter boukou la bouzi, canf, et sandals la
Pou celebrer la zistis divine!

Mo zis esperer ki Ravi pa dimane ene coq pou prier,
Parski mo sitan kouyon ki mo kapav 
Mal interprete sa et trap lot coq la...
Pa koner kot la bouzi la pou rantrer lerla....

Mercredi 16 Juin 2021

Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.