Menu


Paul Lismore

[Paul Lismore] HOW TO GRAB THE ATTENTION OF THE ZOURLANUS AND ENSURE FULL COVERAGE...


Rédigé par Paul Lismore le Mardi 5 Novembre 2019



Mo p form ene ti groupe kot pou ena 20 kouyons, ki pou assiz a koter moi et ki pou fer boukou zefor pou pa bailler kan camera lor zot et ki pou donne linpression ki ninporte ki kk mo kozer, sa meme zafer pli inportan et malin ki zot in tander dan zot la vi.

Group la pou apel "Group ban ki bien paresse mai ki kontan koz kk dan lotel St George sirtou".

Kifer lotel St Georges? Parski aparaman so biscuits bien bon, et alor nou zourlanus fer ene devoir al dan tou ban press conferences la ba, organizer par ninport ki pagla, zis pou copier et pa dimane oken question valab. Kouma 'press conference' hier ene group ki ena toupe apel zot "L'Union Musulmane", avek zis 20 membres, meme si mo koner ki la plipar Musulmans in honter kan guet sa ban piaow la. Mai kouma ene group "socio kiltirel' sa, alor Bajaman et so lekip IoN bizin vine goutte biscuits la, non?

Zis Insane News, Mazavarou, et IoN ki in al fer reportaz lor sa ggtri la, seki vreman prouver ki Birds of the same feather and of similar arrogance and stupidity will always fuck together...

Alor, nou ti group pou fer ene conference de presse et nou pou fer ban demandes ki prochain gouvernman pou bizin donne nou sa. Parski nou droits sa! Dimoune paresse et ki koz kk oussi ena droits dan sa pays la! Si zourlanus et politiciens in fer ene cariere par ignorance et ekrir et koz kk, kifer dimounes paresse pa ena meme droit? Kot nou p aller dan sa ggt pays la? Zot racistes! Zot kominalistes! Dan Lile Moriste pa kapav ena discrimination kumsa!

Ala nou ban demandes:

1/ Tou dimoune paresse dan lile Moriste bizin gagne ene souval ki kapav sarier zot kan zot envi al fer ene ti letour dan la kanbiz, kass ene poz kot la boutik, ou si zot envi zis fer koir ki zot akter dan film western ou Amitabh Bacchan dan Sholay!

2/ Mo kamarade Gassen Fou p dire ki si pena souval, li pa ena problem avek ene bourik, sirtou ki li dire li zoine boukou ki tap so la porte tou les zours et dire li " Vote pou moi, vrai sanzman!" ou " Vote pou moi, bef travay, souval ki pou manzer!" (Kan Gassen reponne, " b bourik ki ariver?", zot zour li parski zot koir li p apel zot bourik), ou "Vote pou moi, mo in fer boukou, mo pou fer plis!" et Gassen dire, " kapav avoy moi ban seki ou in fini fer ar zot? Mo pa mind sloppy seconds moi, mo lepep kouyon moi!"

3/ Tou sa kk ki ban souval pou kk, sa pou aide nou agriculture. Mari fimier sa! Mai si zot manz ene zariko touffer et koumans galouper kouma ene souval fou, pa blame nou!

4/ Tou dimoune paresse bizin gagne ene allocation ki plis ki pension viellesse! Kifer? parski vier dimoune tro plaigner avek zot douleurs sipaki, tandi ki nou, nou fier ki nou paresse et zamai nou plaigner.

5/ Nou bizin gagne ene allocation special parski dimoune ki travay bien apprecier ki nou assizer et guet zot kass lerin. Ou koir facile sa? Assizer et nek pass komenter lor ban kouyons ki p rinter ene la zournee? Bizin ena la classe pou fer sa, laisse mo dire ou!

6/ Dimoune paresse kontan dormi dan la zournee mai gagne diffikilte dormi a soir. Alor, bizin donne nou ene boutey rhum tou les zours pou nou kapav kass ene ti nissa et ronfler aprer ki 3/4 boutey in fini. Li bien rezonab, sa demande la, non?

7/ Sitan nou paresse ki nou in blier demandes 7-10. Truver? C akoz discrimination, racisme, kominalisme ki meme dimoune ki bien paresse pa p kapav zoine les 2 bouttes! ( Gassen Fou in lever kan li tan sa et p dimander: "zoine 2 bouttes la pa sa meme ki apel fer malice sa?")

Mauriciennes, Morisiens, ena boukou dimounes paresse dan sa pays la. Kisan la ki pou guet zot lintere? Politiciens paresse guet zis pou zot. Parey kouma ban serviteurs du pays et ban soucerres ki ena ene sel travay: souce graines sa ban politiciens la!

Nou parti pou fer sire ki dimoune paresse pou regagne zot dignite, zot fierte, zot lonneur!

Dimounes paresse! Destin nou pays dan zot la main! Si zot kapav leve zot fesse depi zot sez ki in pran form zot fesse sitan zot in assiz lor sa, vote pou nou Jeudi!

Vote pou nou et lerla zot kapav truver par zot meme ki san la ki pli paresse: ban politiciens ou ene lepep admirabman paresse?

Zot la croix Jeudi pou decide lavenir sa pays la! Laisse ban vrai paresses pran pouvoir!

Power to the people proud to be lazy! 

p.s. Zourlanus sire pou donne nou piblicite gratis...enfin, pa gratis, mai biscuits lotel St George la bien bon, alor zot pou vini...


Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.