Menu



Paul Lismore

[Paul Lismore] Eski mo kapav gagne ene ti souche ar ou, Dokter ?


Rédigé par Paul Lismore le Jeudi 1 Avril 2021



Ban lespri malelve en place pou koir mo p koz ene zafer sexuel la! Non! Zot la tete kapav kont zis ziska 69? Zot ena problem ar 70? Zot in deza sey 96?

Non, mes chers compatriotes, kouma nou ban patriotes/serviteurs du pays kontan apel nou, laisse mo explik zot ki ene souche eter: Ene 'souche', c ene zafer special ki gagner zis dan Moriste sa. Lezot pays gagne 'variants' ou meme Covid. Mai Bon Dier in beni nou pays kot nou gagne zis souche.

Pa zis sa, a Moriste, dimoune mort ar tou maladi apart Covid!! Nou fort, nou pa fort? Nou malin, nou pa malin? Alor, lerla kan nou dire zis 10 in mort ar Covid dan Moriste, nou kapav krier et reponne tou questions par ene sel reponse: We are Covid Free! We are Covid Safe!

Laisse mo donne zot ene lexanp kot ene 'souche' in prouver ki li boukou pli bon ki go all the way et gagne Covid. Zot konne sa boug gro nene et champion swimmer  ki ene sel kou in vine ene maharajah zis par renpli ene form lor internet? Li ti soidizan bizin fer quarantaine ar so fami, mai kouma li koir ki so kk senti bon, alor li fer zis 4 zours en place quarantaine....Bizin dimane Lady Macbeth si so souche vreman sa special la pou li gagne tretman favori kumsa...

Mai, mes chers compatriotes, biento nou tou pou bizin rode ene souche. Lekonomi in degringoler par o moin 15%, 70% touristes depi 2019 in fay pat en 2020, Textile in baisser par 30% (akoz sa ki variete kilot et lamoresse bien tigit aster...), exportation secteur manufaktrier in baisser par Rs 5 milliards, etc etc. Sel sekteur lekonomi ki in fer mari progres, c sekter voleur ki met costimes et kravat et ki in bien kokin nou depi Covid in vini. Nou bizin dimane Yogida et so gang, Ayatollah Muftah et Ti cretin et so pli gran gang dan ki souche zot vreman experts....Parski faller ena excellent souche pou ressi kokin sa kantite la kan lezot p creve de faim....

Mes chers compatriotes, san foi la mo koir Moriste in bien tasser....et nou tou bizin fer ene zefor national pou donne saken ene bon souche...Meme Berenger, ki amerder 23 hrs lor 24, in truver ki sa zafer 'souche'la donne li ene gro sourire.

Alor, put your applications for souche to Dr Gode! The earlier you 'come', the better the 'souche'..

Crédit vidéo : Paul Lismore



Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.