Menu

Paul Lismore

[Paul Lismore] Boukou dimounes in dekouver lamerik lor map depi sa semaine la...


Rédigé par Paul Lismore le Mardi 31 Mai 2022



Kommien lannee mo p ekrir lor Police and Criminal Evidence Act, et dire ki sa pou ene mari gran pa dan provision la zistis ? Depi 2008, kan mo ti zoine Facebook, mo ti p zour gouvernman Travayis/PMSD parski zot ti drafte la loi la en entier mai pa ti passe li..Sa la loi ti pou enpesse boukou sa ban ggtri de ban gablous en fesse.

Kommien lannees mo p sikane et kritik Human Rights Commission sipaki LKSM, et mo p dimande si ex ziz Seetulsing bien bizin sanz so opticien ou non? Parey pou ex ziz Deviyanee Beessoondoyal, ki en sarz ene zafer ki apel "INDEPENDENT (HAHA!) POLICE COMPLAINTS COMMITTEE". Chers opticiens, zot kapav gagne ene fortune ar sa 2 la, parski malgre ene gro barik evidence sak lannee, zamai zot truv narien!...Nou p donne saken sa 2 la o moin Rs 400,000 sak moi (including pension) pou aparaman

Assizer Bez Cass + tou kalite privilez kouma chauffeur driven limousine, free petrol, free this free that...Mai ziska ler, plito ti nomme mo kamarade Gassen fou, ki malgre ki so 14 in vine 26, mo sire li ti pou fer ene boukou pli bon travay ki sa 2 la...Et Gassen fou ti pou charge nou zis 1 dipin sardines piman confi et ene mine frire par zour...

Mo in montre zot kouma tou nou komisser de police, c ban willing slaves de ninporte kisan la ki Premier Ministre. Pravind Jugnauth in al boukou pli loin li, li in montre tou so komisser de police kouma pou souce kouma ene bon chatwa....

Depi sa ban video nasty la in sorti, mo truv boukou ban bon dimoune, ban saints vreman ki pa zoure ditou ou ki pou refiz largue ene ti pt meme kan personne pa pou tande, zot in dekouver ki apel PACE, Biro Human Rights, IPCC, Komisser Clouseau, etc...

Ban zavokas sirtou p koz sa, mai kom touzour, zot tat tatee avan dire meme ene ti zafer negatif lor ene ziz. Kouma dire zot gagne kosmar ki ziz la pou fonce so perik dan ene place kot soley pa sorti ar zot....Zot in dekouver lamerik lor map, mai mo pa truv oken nou ban "Learned Friends" p dire: Nou ban Mazistras, Ziz, Zavokas DPP, Zavokas Attorney General's Office, zot tou complicit dan sa ban zafer tortire/ barbar la.

Kifer mo p dire sa? Eski zot in deza tan ene mazistra, ene ziz, ou ene zavoka la poursuite dire ki nou bizin pran complaints of the defendant bien serier, si zot p dire ki la police in force zot pou plaide coupable? Mo konne lexanp kot ene akize ena ene lizier ki p guet le nord et ene lizier p guette le sud, sitan li in gagne batter, ki mazistra pisse ar sa et re bour li endan avek so ban bouro. I am afraid tou sa ban bien Honourable mazistras, Ziz etc in bien avoy Human Rights ban defendants ene gran ferfoute, meme kan defendant dire ki gablous in britaliz et tortire li...C ene ban rezon kifer ban gablous azir en toute impunite...

Apre tou, kisan la zot koir ki azir kouma sofer/bodyguard nou ban Honourable Ziz? Oui, a member of our wonderful police force... Alor, li bien bon ki ena p dekouver lamerik lor map, meme si zot la guele in res bien fermee pou boukou lannee. Better late than never, non?

ZOT DIRE NOU KI NOU BIZIN RESPEKTER BAN INSTITUTIONS POURRI...

IPCC: ANOTHER USELESS ORGANISATION TO PROVIDE CUSHY JOBS FOR FRIENDS OF POLITICIANS

IPCC THAT IS AS INDEPENDENT AS THE OTHER "INDEPENDENT" BODIES CREATED BY CORRUPT POLITICIANS

Mardi 31 Mai 2022

Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.


LES PLUS LUS EN 24H