Menu



Paul Lismore

[Paul Lismore] Ban politiciens maha hypocrites ki rapel Bon Dier zis dan gran fete...


Rédigé par Paul Lismore le Mercredi 20 Octobre 2021

" The true hypocrite is the one who ceases to perceive his deception, the one who lies with sincerity"----Andre Gide.



Vreman ena bez dan sa ggt pays la! Politiciens souffer de amnezi kollektiv toute long lannee, et pa pense Bon Dier ditou kan zot bez commissions lor contrats en fesse, kan zot bez nou larzan pou manz 5* meals dan lassenblee 5 fois par zour, kan zot kokin nou kass pou asseter gro limousines ou duty free dernier cri pou zot, kan zot bez nou pitaye pou al en missions bidons zis pou bez gro per diem et asseter duty free ki zot amener dan 5-10 valiz san oken inspection de la douane parski zot soidizan "VIP", kan zot bez pli zoli portions nou State Lands pou zot ou zot soucerres et van lease la pou dizaine de millions de roupies o pli vite possib.

Zis dan fete relizier ki truv sa kantite politiciens dan temples, mosques, ou legliz! Zot azir kouma dire zot meme representan Bon Dier pou nou, meme kan la plipar dimounes koner ki ban demons sa.....Kan Shivratri vini, ena politiciens dernier grade pou belo puri tou, mai zis kan ena camera pou tir fotos zot vilain la guele. Ena pou soidizan lav lipied pelerin tou, et possib penser " Mo fer zes lave to lipied ene tigit zordi, mai en mene tan mo p bez to kasse bien, gopia! Si to re vote moi, zoli pension a vi pou moi!"

Fete Noel/ Paques/ Pere Laval, meme zistoire: Politiciens rapel Bon Dier pou ene ou 2 zours, mai en mene tan ki zot dan legliz, zot p penser, " Ki gran contrats p vini la pou mo tap mo zoli commissions?" Aprer fete, blier Bon Dier et kokin lepep re koumanser, avek Gregoire la pou zouer background music pou tou sa ban vols la...

Fete Eid sitan bon pou ban politiciens ki zot fete sa meme 1-2 mois aprer tou dimoune in arete feter...Et ena ban grup soucerres ki pou kontinier fer gro deg briani pou nourri politiciens so gro laguele...
Diwali p vini et guetter kouma tou politiciens pou deklar zot Ram et kommien soucerres pou fer lizier dou et deklar zot kom zot Sita...Ban sociokultchurels p fini koumans conpettition lor kisan la avoy plis carte invitation a Pravind Jugnauth, pou aprer ggt la nomme ene ou 2 sa ban votours la dan ene parastatal....

En verite, tou sa, c ban Rawan sa! Ene sel zafer dan zot la tete kan zot p fer zes prier: "Bon Dier, montrer moi kot mo kapav gagne plis commissions et kot mo kapav kokin lepep plis enkor! Mo pou amene bouc, coq noir, et kommien limons ou envi! Mo pou passe sa a mo treter preferer, korek sa?" 
Eh ban politiciens en fesse! Laisse lepep prier en paix! Pa bizin zot fer zot zes dan nou temples, legliz, ou mosque! 

Kifer zot pa al prier kan pa ena fete et ena bien tigit dimounes?
Ban hypocrites, opportunistes! Certificate awarded to 95% of our politicians from all parties in Mauritius...Simply add the name of your serviteur du pays and post it to the National Assembly...

Mercredi 20 Octobre 2021

Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.