Menu


Paul Lismore

[Paul Lismore] Amerikins et Anglais trenbler kan "le jeune et dynamique" Pravind Kumar Jugnauth menace zot!


Rédigé par Paul Lismore le Mercredi 4 Novembre 2020



Oui, mes chers amis, zot koir ki elections presidentiel ki p fatig ban Amerikins la? NON! Sel zafer dan zot la tete, c sa menace extraordiner ki Pravind Jugnauth in fer kont zot hier!

Meme Putin, Xi Jinping, Modi, Imran Khan, et lezot leaders ban pays ki ena zarm nucleaires p dire: Sakili! Kommien lannee nou p rode fer sa ban Amerikins la bourrer, kommien zarmes nucleaires/warships/satellites etc nou ena, sa pa in ena oken leffet lor oken President USA! Gran merci Bon Dier ki ena ene Praqvind Jugnauth lor sa la terre la! Li tousel kapav fer Amerikins tata dan le pantalon!

Oui, Pravind Kumar Jugnauth, so ban croupions dan Har Har, Voice of 10 fausse Hindus, Dulthaidiot, l'Espagnole Zouberr, Lachanya et so 2 bazookas, Teenah et so les dents, et so 1000 soldats dan SMF et so helikopters ki pena lessence, pou fer Amerikins et Anglais bourrer depi Chagos! Sa ki apel ene vrai leader!

Blier ki san USA et so AGOA, nou lindistri textile ti pou fini mort depi lontan! Blier ki san ban Anglais, 1/4 nou exportations ti pou dan mari bez! Pravind p dire, " Bousse to AGOA! Nou pa bizin exporte narien a USA et UK, parski le monde entier p met la queue pou pran sa ene 2 ti zafer ki nou manufacture dan Moriste!" Touristes Anglais? Nou pa bizin! Nou ki mari!

Amerikins dire moi ki zot pou koule mo bato si mo sey koster ar Chagos? Kouma nou ban patriotes politiciens abitier dimander, "You know what metal I am made of?" Ena pou dire ki bizin dire 'mettle' et pa 'metal', mai mo merde ar sa moi! Kan Amerikins pou truv mo di plon, zot pou faner kouma tole dan cyclone!

Mo papa ti kontan dire, " Ar moi pena kata kata!" Ar moi, Pravind Kumar Jugnauth, pena zes ar moi! Kan mo bizin asseter zoli la terre a koter mo lakaz, mo fer mo mam Alan Govinden tire Rs 20 millions depi la bank dan Angleterre ki apel Coutts, kot la reine oussi garde so ti la monnai sanze...

Oui, depi la bank sa ban hypocrites Anglais la, kot mo soeur reste depi 40 ans! Anglais kapav hypokrite, mai so Dorchester Hotel extra zoli! Ban Har Har pa kapav aller la ba, coute tro cher...Mai Alan la pou fer tou mo reservations, et li fer so Duty, Free of charge pou moi of course, parski moi, c Pravind Kumar Jugnauth!

Kan sa zoli bato Wakshio la ti krazer, ban Americains et Anglais pa in avoy nou ene ferfoute! Meme si mo apel zot ban Hypokrites, eski sa ene rezon pou pa donne moi, sorry nou, in p pitaye pou renbourse seki quincaillerie, bizouteri, et ban mam in pran? Ki kalite hypokrizi sa?

Moi, Pravind Kumar Jugnauth, mo PM pli gran pays dan le monde! Nou pa bizin ni Amerikins ni Anglais! Nou pou al par bato lor Chagos! Olivier Bancoult pou ena so passport Anglais ar li, parey kouma moi! Et si Amerikins koule nou bato, nou bouee/gilet de sovtaz Made in UK ou USA siouplai pou sap nou!

Truver kouma zot hypokrites? Pa kouma moi! Mo la main prop, et popilation bizin ziz moi lor seki mo fer! Zot zalou akoz mo bon kamarade Alan in donne moi la terre gratis!

Mo pou bour zot dan Privy Council! Rapel bien, c sa ban Hypokrites Anglais la et zot Privy Council ki ti sap moi depi prison lor sa zafer Medpoint la! (avek l'aide du chuttur ka mou de ICAC, of course...)


Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.