[Mayur Boodhun] Aret Boir diT Dynas Tea

Ene Premier Minis li bisin Riche ou Pauv? 
Li bisin ena cv lor so latete ou coco Sov? 
Li bisin roule Rolls Royce? 
Ou li bisin 1 Royos? 
Li bisin ena Moustass? 
ou li bisin ena la Classe? 
Li bisin 1 Sage? li bisin Jeune? 
ou li bisin dans l'age? 
Li bisin Magistrat? Avocat? Docteur? ou 1 Acteur? 

Ki serti ene Premier Minis...li 1 Avoka mais selma... Li pas p comprend ou ka!! 
Ki serti li ene Medecin. Selma li kass ou Lerein ! 
Ki serti li 1 Syndicaliste. Li lagir pou travailleur kan li Syndicaliste. 
Mais Selma li blier travailleur kan li vin Premier Minis ! 
Ki serti ene Premier Minis li ene "SAGE" mais kouma poz li question li fair Laraz ! 

Ki couleur ene Premier Minis bisin eT ? 
Li kapav ene Rouge. 
Selma li pas bisin blier so devoir enver ti-dimoune. 
Sinon li bisin met ene Bouge!! 

Li kapav ene blE. 
Selma li bisin defane l'interet TOU dimoune. 
Dans l'assemblE ! 

Li kapav ene Jaune. 
Mais Selma li pas bisin assoifE. 
Pou 1 Trone ! 

Li kapav ene Vert. 
Mais selma li bisin aide TOU dimoune.. Lecoeur Ouvert ! 
Li kapav nerporte ki Coulerr ! 
Mais selma so leker. 
Bisin bat Rouz BlE Jaune Vert ! 

Nous fine ena 1 Honorable Premier Minis ki ti ena 1 Lizier (*Respect Pere) 
Nous fine ena Premier Minis ki ena 2 Lizier. 
Nous fine ena Premier Minis ki ena 4 Lizier. 
Komier Lizier ene Premier Minis bisin ena, valeur du jour? 

Ene Premier Minis, Valeur Du Jour, bisin ena 3 Lizier ! 
Sa 3eme Lizier la...c tou ban religion zot BUT. 
C l'amour inconditionel. 
Kot ou trouv tou dimoune. 1 Sel ! 

Ou 3eme lizier li connecter ek ou L'ame ek ou Conscience. 
Kan li ouvert. 
Ou aret fair la Difference 

Ek ou 3eme lizier ou sorti depi dans l'ignorance.  
Avant ki zot fair Lagreve. 
Ou fini comprend zot Souffrance ! 

C ene nivo spirituel. 
Kot ou pou kapav resisT tou ban lobby de ban socio culturel. 

C ene nivo kot ou pena aukene vice ou pena aukene desire pou rempli ou poss ni rempli Poss petit copain ! 
Ou rod zis aide ou prochain ! 
Pou zot tou gagne zot ti dipain ! 

Avec sa critere la. 
Tou dimoune kapav vine Premier Minis. 
Nerporte ki so Couleur. 
Ki li 1 Marchand ! Ki li 1 Planteur ! Ki li 1 Pecheur !