Menu

Société

[Jeff Lingaya] Aréstasion Bruno Laurette : ènn latak "win-win" pou mafia gouvérnmantal


Rédigé par Jeff Lingaya le Lundi 7 Novembre 2022

Réaction de Jeff Lingaya (activiste engagé) à la suite de l'arrestation de Bruneau Laurette.



[Jeff Lingaya] Aréstasion Bruno Laurette : ènn latak "win-win" pou mafia gouvérnmantal
- ènn koté, si lépép pa révolté masivman li baskil dan ènn nouvo faz dé so asérvisman volontér fas a ènn mafia ki finn pran pouvwar gouvérnmantal. 

Ènn asérvisman volontér ki ti déza karikatiral é konkrétman sisidér a la fwa.

Ènn asérvisman volontér ki pa pou trouv invérsion so tandans dan ènn pasasion pouvwar dan lamé lopozision parlmantér, ni mém éxtra parlmantér 'mainstream'

- lot koté si lépép révolté masivman mafia gouvérnmantal pou anfin kapav konkrétiz 'Léta Dirzans' ék asiz zot pouvwar politik militérman. Ki, pou boukou sitwayin, réprézant vré lintansion sa gouvérnman la dan so bann azisman dépi lontan: nék pé vinn-vini, vinn- vini mém.

Tank a bann dimounn ki pansé, ou ankor pé réflési, sipa wi, séki finn sézi kot Bruno Laurette ti pou li sa, ou pou bann tiérs pérsonn dan ènn biznés kot li inpliké volontérman: mo inkapab antam ènn konvérsasion avék momém ki konsidér zot lopinion kouma ènn opsion... donk li pou difisil pou mwa pou gèygn ènn konvérsasion ar zot lor la talér, dimé ou mém apré.

Mo pansé ki nou bann pansé lor sitiasion politik antan ki sitwayin mérit ènn lot nivo ki mwin initil, pou pa dir: ki mwin dézéspéré.

Éna boukou dimounn, lor koltar sirtou, parski zot finn sibir li, kinn dénonsé ki 'striking team' (ou otr 'fors du dézord') fér mazik. Mo kwar ki nou bizin kapav admét ar nou mém, ki diférans ki éna ant lamazi ék la sorsélri.
Ala kot nou été.
Wèh. Li pa komik. -

Lundi 7 Novembre 2022

Nouveau commentaire :

Règles communautaires

Nous rappelons qu’aucun commentaire profane, raciste, sexiste, homophobe, obscène, relatif à l’intolérance religieuse, à la haine ou comportant des propos incendiaires ne sera toléré. Le droit à la liberté d’expression est important, mais il doit être exercé dans les limites légales de la discussion. Tout commentaire qui ne respecte pas ces critères sera supprimé sans préavis.


LES PLUS LUS EN 24H